أعيدو إحياء زمنّ الرسائل

وش كان شعور الناس زمان لما كانت توصلهم مراسيل؟، من شخص غالي عليهم او شخص مسافر او مغترب من زمان عنه او من حبيب ، وش كان شعورهم لما راعي البريد يسلمهم الرسالة بيدهم؟
أعتقد أنه كان أعظم شئ ممكن شخص يحسه ، أو أن اهتماماتي غريبة شوي وعقلي طقتة قديمة؟
بس الاكيد ان الشعور الي يجيك وقت استلام رساله بجوالك غغيير حتى لو كانت من شخص غالي او بشارة تنتظرها من زمان 
ماعشت شعور المراسيل بس انا احس انها غير،
رسالة تقدر تحتفظ فيها طول عمرك ، تقدر تقراها بالوقت الي تبيه، تقدر حتى تنومها تحت مخدتك!، 
يمكن حتى يكون فيها ريحة عطر؟ ، انا اشوف انها تكون بخط يد يكفي عن هذا كله.
لازم هذا الشعور كلنا نحسة ، لازم نرجع زمن الرسائل.
  https://twitter.com/hwmassege?lang=ar
هذا الحساب بتويتر فكرتة تساعد بشكل بسيط باعادة فكرة الرسائل المكتوبة بخط اليد ، بحيث انها تسمح لك تكتب رسالة وتصورها وهو يرسلها للشخص المرسول له 

مااعرف وش كان اسم ساعي البريد زمان عندنا بالخليج بس الي اعرفه ان شغلتة مرة حلوة ويمكن متاكدة انه كان مسمتع فيها ،انا لو مكانه بستمتع!، لان لو تخيلتو احساسه هو سلم شخص رسالة ممكن هو منتظرها من زمان!، هو شاف فرحته بعيونه مو شخص ثاني وصفها له ، لا ويحس ان له يد بالموضوع مو هو الي وصلها له بيدة وكان سبب صغير بفرحته؟ بيشاركه فرحة هو ماله فيها اي علاقة.
او يمكن يسلمة رساله حزينة، ممكن تكون وفاة شخص مثلاً؟ 
هو بيكون مجبور يساعد الشخص هذا او يواسيه
أنا أشوف ان شغلته عظيمة بشكل لا يوصف،
وأشوف ان مو كل احد يقدر يشتغلها ولا كل احد يستاهلها
مااشوف انها شغله بسيطة ومستهان فيها ابداً ، أنت وش تشوف؟